1.
Синдә, җырым, минем йөрәк җылым,
Бар хисләрем синдә, назларым.
Яктылыгы зифа каеннарның,
Сафлыклары моңлы язларның.
Кушымта:
Оч син, җырым, оч син еракларга,
Канатларың бер дә талмасын.
Сезнең өчен җырланасы җырым,
Ярты юлда өзелеп калмасын.
2.
Чын күңелдән җырлыйм җырларымны,
Тибрәтсен дип күңел кылларын.
Өметләре сүнгән юлчыларның,
Яктыртсын дип барыр юлларын.
Кушымта:
Оч син, җырым, оч син еракларга,
Канатларың бер дә талмасын.
Сезнең өчен җырланасы җырым,
Ярты юлда өзелеп калмасын.
3.
Йөрәгемдә янган учак кебек,
Мәңге сүнмә җырым, җыр гынам.
Ялгыз итмә, зарлы итмә мине,
Аерма син мине халкымнан.
Латин имләсендә.
1.
Sindä, cırım, minem yöräk cılım,
Bar xislärem sindä, nazlarım.
Yaqtılığı zifa qayınnarnıñ,
Saflıqları moñlı yazlarnıñ.
Quşımta:
Oç sin, cırım, oç sin yıraqlarğa,
Qanatlarıñ ber dä talmasın.
Sezneñ öçen cırlanası cırım,
Yartı yulda özelep qalmasın.
2.
Çın küñeldän cırlıym cırlarımnı,
Tibrätsen dip küñel qılların.
Ömetläre süngän yulçılarnıñ,
Yaqtırtsın dip barır yulların.
Quşımta:
Oç sin, cırım, oç sin yıraqlarğa,
Qanatlarıñ ber dä talmasın.
Sezneñ öçen cırlanası cırım,
Yartı yulda özelep qalmasın.
3.
Yörägemdä yanğan uçaq kebek,
Mäñge sünmä cırım, cır ğınam.
Yalğız itmä, zarlı itmä mine,
Ayırma sin mine xalqımnan.
Instagram