БӘХЕТЕҢНЕ БҮЛЕШМӘ
Бәхетеңне тапсаң, бүлешмә.
Бәхет таптым,- диеп, килешмә.
Якын дустың яшерен серләшер,
Синең бәхетеңә көнләшер.
Куш:
Бәхет бит ул - матур төш кенә,
Өзелердәй ефәк, җеп кенә.
Олы бәхет килә бер мизгел,
Чын бәхетне таный тик сизгер!
Бәхетеңне тапсаң, бүлешмә.
Дошманнарың белән күрешмә!
Дошманнарың аяк чалырлар,
Бәхетеңне тартып алырлар.
Куш.
Бәхетеңне тапсаң, мактанма.
Дуслар арасында шатланма!
Шатлыгыңны тартып алырлар,
Сары сагышларга салырлар!
