Җитәкләп син алып чыктың безне,
Олы юлга – тормыш юлына.
Синең үрнәгеңдә яшәгәндә
Сынатмабыз гомер буена.
Кушымта:
Туган көннең иң зур кунагы син –
Кадерлебез, газиз кешебез.
Киң күңелле, сабыр әтиебез,
Рәхмәт әйтеп сиңа яшибез.
Тормышыбыз җайлы гына бара,
Әтиебез терәк булганга.
Якты йөзе, җылы сүзе белән
Яшәүгә дәрт биреп торганга.
Безнең кайгыртуны тоеп яшә,
Куанып көт туар көннәрне.
Бәйрәм итсәк иде бергә-бергә
Әле бик күп туган көннәрне.
