1.Тай өйрәтү максат иде,
Шул дәртемнән исердем,
Атка менгән малай кебек
Түземсезлек кичердем.
Кушымта: Авырлыкны авызлыклау,
Җиңел түгел юлларымда.
Тай өйрәткәч,бирешмимен,
Язмыш минем кулларымда.
2.Айгырланган язмышыма
Җөгән алып кидердем,
Авызлыкланганчы сине,
Тормыш, күмпе көйдердең?
Кушымта:
3.Җиләм генә тулпар атта
Хыял тавым үренә,
Артылышны үткән идем
Максат тавым күренә.
