Саташкан язларым
(Рәзинә Сәетгәрәева сүзләре, Наил Сөйләйманов көе)
Бер генә яшибез дөньяда,
Назларың кызганма кадерлем!
Көзләре алтыннан булса да,
Язлары кадерле гомернең!
Куш-та: Син минем табышым,
Син минем язмышым,
Син минем алтыным,
Сүрелмәс йолдызым,
Син минем илһамым,
Син дәртле җырларым,
Син туймас назларым,
Саташкан язларым!
Ай бишеккә мине саласың,
Тәмле сүзләр кайдан табасың?
Әллә антлы балдакларга гына,
Уелганмы сөю догасы?...
Иңнәремдә канат тоям ла,
Син булганда җаным янәшә,
Арага җилләр дә кертмичә,
Насыйп булсын тигез яшәргә!
