Бергә чакның кадерләрен белик
Сания Әхмәтҗанова сүзләре Рөстәм Вәлиев көе
Бер-бер артлы җепкә тезелгәндәй
Көннәр түгел, безнең гомер үтә.
Туар таңның серле иртәсендә
Белмим кайгы, белмим шатлык,
Белмим тагын ниләр көтә.
Мин бит сине, ә син мине таптың.
Кадерләрен белик бергә чакларның.
Бергә елыйк, әйдә, бергә көлик,
Бергә чакның кадерләрен белик.
Ялгызымны бүген калдырма син,
Кара сөю тулы күзләремә.
Иртәгә дә көн бар әле, димә.
Буген шаярт, бүген ярат,
Бүген күм син назларыңа.
Мин бит сине, ә син мине таптың.
Кадерләрен белик бергә чакларның.
Бергә елыйк, әйдә, бергә көлик,
Бергә чакның кадерләрен белик.
Ике йөрәк бергә тибәр өчен
Дөнья вакытлары түгел киртә.
Тәрәзәгә шаян җилләр булып
Әллә яшьлек, әллә бәхет,
Әллә узган гомер чиртә.
Мин бит сине, ә син мине таптың.
Кадерләрен белик бергә чакларның.
Бергә елыйк, әйдә, бергә көлик,
Бергә чакның кадерләрен белик.
Вконтакте
