Бүләк булып барсын җырым
Синең туган көнеңә,
Ак теләкләр кушып бирәм
Ак гөлләр бәйләменә.
Син миңа һәрвакыт кирәк,
Син янда чакта рәхәт.
Бу дөньяга туган өчен,
Булганың өчен рәхмәт!
Тормыш гүзәл, яшәү бәхет,
Белсәң генә кадерен.
Югалтма бәхет-шатлыкның
Сиңа килгән кадерен.
Син миңа һәрвакыт кирәк,
Син янда чакта рәхәт.
Бу дөньяга туган өчен,
Булганың өчен рәхмәт!
Башлаган һәр яңа эшең
Син теләгәнчә барсын,
Гомереңнең һәрбер көне
Туган көн кебек булсын.
Вконтакте
